සෙනසුරු මෙම වසරේ තම වක්ර ගමන ආරම්භ කළේ ජූලි 26 වෙනිදාය. වක්ර ගමන නිමා වන්නේ දෙසැම්බර් 11 වෙනිදාය. 2026.07.26 න් ඇරඹී 2026.12.11 තෙක් කාලය යහපත් කාලයක් නොවේ. මාර්ග අනතුරු, මනුෂ්ය ඝාතන, අකල් මරණ, කෝලාහල ,උද්ඝෝෂණ ආදියේ ඉහළ යමක් මෙම කාලය තුළ සිදුවේ.
සැප්තැම්බර් 25 වෙනිදා පටන් දෙසැම්බර් 11 තෙක් කාලය වඩාත් අවදානම්ය. බොහෝ දෙනා දුරදිග නොබලා කටයුතු කිරීම හේතුවෙන් නීතියට හසුවීම,සිරගත වීම ආදී කරදරවලට මුහුණ දීමට සිදුවේ.
තම ජරාජීර්ණ වූ ඇතුලාන්තය සඟවමින් දීර්ඝ කාලයක් මුළුල්ලේ බලයෙන් වැජඹුණු බොහොමයක් දෙනා නීතියට හසු වන ආකාරයද 2026.12.11 තෙක් කාලය තුළ දැක ගැනීමට හැකි වනු ඇත.
සෙනසුරු වයෝවෘද්ධ යාචකයෙකි. පාදයක තුවාලයකි. ඇවිද යන්නේ ඉතා අපහසුවෙනි.වැරහැලි වූ ඇඳුම්ය. ප්රියමනාප පෙනුමක් නැත. ඔහු හා ගැවසෙන්නේ කපුටන් සහ බල්ලන්ය. කරේ මල්ලකි. ඒ, ජ්යොතිෂය තුළ සෙනසුරු සංකේතවත් කර ඇති ආකාරයයි. දුක,කණස්සල්ල. කරදර,ගැහැට,ලෙඩ රෝග ආදියට කාරක ග්රහයා සෙනසුරුය. පාපකාරී කටයුතුවල යෙදීම, නීතියට පටහැනිව ක්රියා කිරීම, අනුන්ට කරදර හිරිහැර වන සේ හැසිරීම,සතුන්ට හිංසා පීඩා සිදු කිරීම, ඊර්ශ්යාවෙන් යුතු වීම සෙනසුරුගෙන් දැඩි පීඩාවන් එල්ල වීමට හේතු වේ.
කරේ මල්ලක් තිබෙනවා නම් ඔහු සතුව යමක් තිබිය යුතුය. එය ඇත්තය. සෙනසුරු දෙන විට දෙන්නේ මදි නොකියන්නටය. සෙනසුරු යනු යමෙක් රජෙක් කරවන්නටත් හිඟන්නෙක් කරවන්නටත් හැකි ග්රහයෙකි. සෙනසුරුගෙන් යහපත බලාපොරොත්තු වීමට නම් ධාර්මික විය යුතුය. නීතියට අවනත විය යුතුය. ඊර්ශ්යාව ක්රෝධය තණ්හාව දුරු කළ යුතුය. අන්යයන්ට කරදර හිරිහැර නොවන සේ ජීවිතය ගත කළ යුතුය. සතුන්ට හිංසා පීඩා නොකළ යුතුය. යාචකාදීන්ට හැකි පමණින් දන් දිය යුතුය. කේලම් කීම,අනුන් කෙටවීම ආදියෙන් වැළකිය යුතුය. අධ්යාත්මික උතුමන්ට අපහාස කිරීමෙන් වැළකිය යුතුය. පිදිය යුත්තන් පිදිය යුතුය.
සෙනසුරු බලපෑම්වලින් මිදීමට කළ යුතු පිළිවෙත් අතර යාචකයින් උදෙසා දන්දීම ප්රධාන කොට දක්වා තිබේ. එය සිදු කළ යුත්තේ සෙනසුරාදා දින හතක් උදේ වරුවේය. පාදයක් ආබාධිත යාචකයෙකුට මස් මාළු ආදියෙන් තොරව ආහාර වේලක් පිළිගැන්විය යුතුය.
උඳු,තල,කොල්ලු මිශ්ර ආහාර දන්දීමද යහපත්ය.
දිනපතා මෛත්රී භාවනාව වැඩිම ඉතාමත් යහපත්ය.
සෙනසුරාදා දින හතක් උදේ වරුවේ කපුටන්ට එළඟිතෙල් මිශ්ර කිරිබත් දැමීමද පුරාණාගත ප්රතිකර්මයකි.
"ඕම් ශං ශනෛශ්චරාය නමහ්" මෙය සෙනසුරුදා දිනවල 108 වරක් ජප කිරීමද ප්රතිඵලදායකය.
අධ්යාත්මික ජ්යොතිෂවේදී සංජීව කුළුපන බණ්ඩාර.
