දරුවන් ඉන්නා හැම අම්මා කෙනෙකුටම ...
දරුවන් නැති හැම අම්මා කෙනෙකුටම...
හැම යුවතියකටම... හැම බිරිඳකටම...
හැම දරුවෙකුටම...
මහා සෙතක් ශාන්තියක් සැලසෙන, උතුම්
පත්තිනි පූජාව.
දරුවෙකුට ලෙඩක් දුකක් ඇතිවුණු විට, දරුපල පමා වූ විට, භයානක අසනීප අවස්ථා වලදි, දරුණු අපල පීඩා පවතින අවස්ථාවන්හිදී බොහෝ දෙනා පත්තිනි මෑණියන්ට භාර වෙනවා. පුද පූජා පවත්වනවා.
දරුවන් නොමැති මව්වරුන්ටද පත්තිනි දෙවඟන වෙතින් සුවිශේෂ පිහිටක් ලැබෙන බව බොහෝ දෙනා විශ්වාස කරනවා. දරුවන් කුස තුළ මියයාම, ගබ්සාවීම වැනි දරුපල සම්බන්ධ පීඩාකාරී අවස්ථාවන්හිදී ඇයගේ පිහිට ලබාගැනීමට බොහෝ දෙනා අමතක කරන්නේ නෑ. මෙවැනි කරදකාරී අවස්ථාවකදී පත්තිනි මෑණියන්ගේ පිහිට ආශීර්වාදය නිවැරදිව, පිරිසිදුව ලබාගැනීමට පත්තිනි පූජාවක් පැවැත්වීම වඩාත් පලදායක වෙනවා.
පත්තිනි දෙවඟන සැබවින්ම කව්රුන්ද..? ඇය පිහිට වන්නේ කාහටද..? ඇයගේ පිහිට ලබාගන්නේ කොහොමද..? මේ සියලු කරුණු කාරණා පැහැදිලිව, නිරවුල්ව ඔබට අවබෝධකර දීම මෙම ලිපියේ අරමුණ වෙනවා.
පත්තිනි දෙවඟන යනු කව්රුන්ද?
සිද්ධ මධුර මාලා පත්තිනි දෙවඟන භාරතයේ මධුරා පුරයේ උපත ලද දෙවඟනක් බව කියැවෙනවා. මෙම දෙවඟන එක් කාලයක දඹදිව කාවේරි ගඟ අසල ගම්මානයක වෙළඳ කුලයක " කන්නගී " නමින් උපත ලබා සිටි බව කියැවෙනවා. ඇය "පාලඟ
" නමැති කුමරෙකුගේ බිරිඳ ලෙස ජීවත්වී තිබෙනවා. ඔහු වෙළඳාම පිණිස නොයෙක් ගම් දනව්හි සැරිසරන විට වෙසඟනක් හා මිතුරු වී සූදුවට හා දුරාචාරයට පුරුදු වී තිබෙනවා.ඔහු එයින් සියලු ධනය විනාශ කරගත් විට කන්නගී කුමරිය තම පා සළඹක් ඔහුට දී තිබෙනවා. ඒ එය විකුණා මුදල් ලබාගැනීමටයි. මෙම අවස්ථාව වනවිට පළාතේ රජ බිසවගේ පා සළඹක්ද නැතිවී ඇති අතර එය සෙවීම සඳහා රාජ පුරුෂයින් යොදවා තිබෙනවා. පා සළඹ අතැතිව යන පාලඟ රාජ පුරුෂයින්ට හසුව ඇති අතර එය රජ බිසවගේ පා සලඹ යැයි සිතූ රාජ පුරුෂයින් පළඟ අල්ලාගෙන රජු වෙත පමුණුවා මරණ දණ්ඩනයට ලක් කොට තිබෙනවා.තම සැමියා සොයාගෙන ගිය කන්නගී තම මැරුණු සැමියා සොයාගෙන, සත්‍යක්‍රියා කොට ඔහුට යළි පණ ලබාදී, රජ බිසවගේ නැතිවුණු පා සළඹද සොයාදී සැමියාගේ නිර්දෝෂිභාවය රජුට පෙන්වා දුන් බව කියැවෙනවා. මෙහිදී කන්නගී පා සළඹ හා තම පියයුරක්ද ගළවා පොළවේ ගැසූ බවත් ඒ හේතුවෙන් මුළු පඬි පුරයම ගිනිගෙන විනාශ වූ බවත් සඳහන් වෙනවා. ළමයින්ට, පූජක උතුමන්ට හා වෙහෙර විහාර වලට කිසිදු හානියක් සිදු වී නෑ. ඇයගේ පතිවෘතා බලයෙන් හා ප්‍රාර්ථනා බලයේ මහිමයෙන් අමා විලක් මවා එයින් ගිනි නිවා දමා දෙව් ලොවට ගොස් යළි මනු ලොවට පැමිණ පත්තිනි දෙවඟන ලෙස පුද පූජා ලබමින් ජනයාට පිහිට වූ බව කියැවෙනවා.
දේව සාහිත්‍යයේ තවත් කතා පුවතකට අනුව පත්තිනි දෙවඟන ඉතා විශ්මිත ලෙස සත් වාරයක් උපන් හෙයින් සත් පත්තිනි ලෙසත්, දොළොස් වාරයක් උපන් හෙයින් දොළොස් පත්තිනි ලෙසත් හැඳින්වෙනවා. දෙමට මලෙන්, ගින්නෙන්, නයි කඳුලෙන්, විදුලියෙන්, පිනි බිඳුවෙන්, සිනා රැළෙන්, අඹෙන්, සළුවෙන්, නුග කොලයෙන්, කදුරු පොත්තෙන්, ජලයෙන්, දළයෙන් උපන් බව ජනප්‍රවාදයේ සඳහන් වෙනවා.
දකුණු ඉන්දියාවේ සුපතළ සීලප්පදිකාරම්, මණිමේඛලය යන කාව්‍යයන්හි පත්තිනි උපත පිළිබඳව විස්තර සඳහන් වෙනවා.පන්තිස් කෝල්මුර පත්තිනි පැතුම නම් ග්‍රන්ථයේ ද පත්තිනි උපත පිළිබඳව කරුණු සඳහන් වෙනවා. කකුසඳ බුදුන් සමයේ කරන ලද දානමය පින්කමක් හේතුවෙන් කසීරට මධුරා පුරවරයේ ඉපිද එහි අග රජ වූ සිටුවරයෙකුගේ උයනේ පිහිටි අඹ ගසක ගෙඩියකින් පත්තිනි දේවිය උපන් බව ඉතා සවිස්තරාත්මකවත් මනරම් ලෙසත් පන්තිස් කෝල්මුර පත්තිනි පැතුම ග්‍රන්ථයේ විස්තර වෙනවා.
පත්තිනි දේවියගේ රන් සළඹ ලංකාවට ගෙන ආ පුවතද මෙහිදී වැදගත් වෙනවා.වංකනාසික තිස්ස රජ දවස දකුණු ඉන්දියාවේ සොළීන් ලංකාව ආක්‍රමණය කර රජු පරාජයට පත් කර, ලක්වැසියන් දොළොස් දහසක් සිරකරුවන් ලෙසත්, බුදුරජාණන් වහන්සේගේ පාත්‍රා ධාතුවත් රැගෙන ගොස් තිබෙනවා. රජුගේ පුත් ගජබා කුමරු නීලමහා යෝධයා සමග සොළී දේශයට ගොස් එහි රජු පරදවා මෙරටින් ගෙනගිය සිරකරුවන්ද, එරටින් තවත් දොළොස් දහසක් දෙනෙක්ද, පාත්‍රා ධාතුවද, පත්තිනි සළඹද රැගෙන ලක්දිවට පැමිණි බව ඉතිහාසයේ සඳහන් වෙනවා. රජු විසින් නවගමුවේ දේවාලයක් තනා, සඳුන් ලීයෙන් පත්තිනි දේවියගේ පිළිමයක්ද තනා පුද පූජා පවත්වා තිබෙනවා.අද නවගමුවේ තිබෙන පත්තිනි දේවාලය එම දේවාලය බවට විශ්වාස කෙරෙනවා.
ප්‍රධාන පත්තිනි දේවාලය නවගමුවේ ඉදිවී තිබෙන අතර, කඩුවෙල, බොල්තුඩේ, උඩවෙල, පලුගොල්ල, මගුරුගොඩ, බොල්ලෑගල, ඇල්ලගාව ආදී ප්‍රදේශ වලද පත්තිනි දේවාල ඉදිවී තිබෙනවා.
පත්තිනි දේවිය පිහිටවන්නේ කාහටද?
පතිවෘර්ථා බලයෙන් දේවත්වයට පත් ශාන්ත දෙවඟනක් වූ පත්තිනි දෙවඟන නොයෙක් අවස්ථාවන්හිදී ජනතාවට පිහිට වෙනවා.විශේෂයෙන් කාන්තාවන්ටත් ,දරුවන්ටත් ඇයගේ පිහිට ලැබෙන බවට විශ්වාසයක් පවතිනවා. දරුපල සම්බන්ධ ගැටලුවලින් පිඩාවට පත්වූ කාන්තාවන්ටත්, පවුල් ජිවිතයේ නොයෙක් ගැටලුවලින් දුක් විඳින කාන්තාවන්ටත්, නොයෙක් ලෙඩ රෝගවලින් පෙලෙන කාන්තාවන්ටත්, කුඩා දරුවන්ටත් ඇයගේ පිහිට නොමඳව සැලසෙනවා. අනියම් සම්බන්ධතා පවත්වන, දුෂ්චරිතවත්, ආගම භක්තිය නොමැති කාන්තාවන්ට ඇයගේ පිහිට නොලැබෙන බවටද විශ්වාසයක් පවතිනවා.
නොයෙක් දෙනාට වැළඳෙන පැපොල, සරම්ප, කම්මුල්ගාය ආදී අසනීප අවස්ථා වලදී පත්තිනි දේවියගේ පිහිට ලබාගැනීමට බොහෝ දෙනා අමතක කරන්නේ නෑ. කුඩා දරුවන් ගේ රෝග පීඩා වලදීද පත්තිනි දේවියට පඬුරක් ගැටගසා පිහිට ඉල්ලාසිටීමට බොහෝ දෙනා පුරුදුවී සිටිනවා. දරුවන් ලැබෙන්නට සිටින මව්වරුන්ද තම දරු ගැබේ ආරක්ෂාව පතා පත්තිනි මෑණියන්ට භාර වෙනවා. මෙවැනි අවස්ථාවලදී සිදුකරන්නේ දරුවා ලැබුණු පසු කිරිඅම්මාවරු හත් දෙනෙකුට හෝ ඊට වැඩි පිරිසකට දානයක් දීමට පොරොන්දු වීමයි. දරුවා ලැබී තුන් මසක් ගතවීමෙන් අනතුරුව භාරය ඔප්පු කිරීම නිවැරදි පිළිවෙතයි. රෝග පීඩා අවස්ථාවලදීද අසනීප සුව වූ විගස කිරිඅම්මාවරුන්ට දානයක් පිරිනමන බවට වන පොරොන්දුව පඬුරක් ගැටගැසීම මගින් සංකේතවත් කරනවා.
කිරි අම්මාවරු
විල්ලෝඩි දේශයෙන් පැමිණි යක්ෂයින් හත් දෙනෙකුගේ බිසෝවරු වළවේ ගංගාවේ රන්මුතු ඇල්ලේ දිය නාමින් සිටින අවස්ථාවේදී, එතනට පැමිණි පහත කුලයක නීච පුද්ගලයෙක් එක් බිසවකගේ අතකින් ඇල්ලූ බවත්, එහිදී ඇතිවූ පිළිකුල හේතුවෙන් ඔවුන් දියට පැන මියගිය බවත්, පසුව දේවත්වයට පත්වූ බවත් ජනප්‍රවාදයේ සඳහන් වෙනවා. අතීතයේ පටන්ම තම දරුවන් ආරක්ෂාකර ගැනීමටත්, නොයෙක් අපල පීඩා කරදර ආදියෙන් මිදීමටත් කිරි අම්මාවරු හත් දෙනාගෙන් පිහිට අපේක්ෂා කිරීමට ජනතාව පුරුදුවී සිටියා. වසරක් පාසාම පත්තිනි මෑණියන්ටත්, අම්මාවරු හත් දෙනාටත් පුද පූජා පවත්වන සිංහල බෞද්ධයින් බහුලව සිටිනවා.
කිරි අම්මාවරු තෝරා ගැනීමේදී දරුවන්ට කිරි දෙන මව්වරු තෝරා ගැනීම නිවැරදි පිළිවෙතයි. එහෙත් වයස්ගත මව්වරුද මේ සඳහා බොහෝ විට යොදා ගැනෙනවා.කෙසේවෙතත් දැහැමි, සිල්වත් මව්වරුන් මේ සඳහා සහභාගී කරවා ගැනීමෙන් පිහිට ආශීර්වාදය නිවැරදිව ලබාගැනීමට හැකිවෙනවා.අනුන් කෙරෙහි වෛරය, ඉරිසියාව නොදක්වන ගුණගරුක, කරුණාවන්ත අයෙකුගේ හදවතින් නික්මෙන පැතුම සුබදායක වන අතර ඊට හාත්පසින්ම වෙනස් වූ ගතිගුණ වලින් යුතු අය වෙතින් නික්මෙන පැතුමකින් කිසිදු යහපතක් අත්වෙන්නේ නෑ. ගත සිත එකසේ පිරිසිදු කරගෙන සුදෝ සුදු වතින් සැරසී, හිරු නැගීමට පළමුව, දෙවියන් වෙනුවෙන් බැතියෙන් පේවී කිරි දානය පිළිගැනීම සඳහා කිරි අම්මාවරු පැමිණෙනවා.නිවසට ගොඩවැදීමට පළමුව දෙපා සෝදා, මුහුණද කහ දියෙන් සෝදාගත යුතුයි. නිවස තුළට පැමිණ, පිරුවට එලා සකස් කළ කලාලයක් මත හෝ එවැනි පිරිසිදු තැනෙක අසුන්ගත යුතුයි. මෙතැන් පටන් පුද පූජා සිදුකිරීම ආරම්භ වනවා.කිරි දාන සඳහා සහභාගී වී ඇති පළපුරුදු අම්මාවරු සෑම ගමකම පාහේ සිටිනවා.
දානයට උවමනා කරන්නේ මොනවාද?
පත්තිනි මෑණියන්ගේ පිළිමයක් හෝ රාමු කළ රුවක් උස් අසුනක තැන්පත් කළ යුතුයි. කිරි අම්මාවරුන්ගේ දානය සඳහා කිරිබත්, කිරියා, ඇඹුල් කෙසෙල්, කැවුම් වර්ග කීපයක් යොදා ගැනෙනවා.නමුත් තම තමන්ගේ ආර්ථිකයට සරිලන සරිලන පරිදි මෙම දානය සකස්කර ගත හැකියි.පිරිකර වශයෙන් රෙදි, තුවා, පාවහන්,කුඩ,සබන්, පනා ආදී දේවල් පිළිගැන්විය හැකියි.
කැවුම්, කිබත්, හකුරු, පළතුරු, ඇඳුම්, බුලත්විට, පඬුරු, එළකිරි, තැඹිලි ආදී සියලු දෙයින් පරිපූර්ණව මෙම දානමය කටයුත්ත සිදුකළ හැකිනම් එය ඉතාමත් වැදගත් වෙනවා.දෙන්නාත් ලබන්නාත් යන දෙපාර්ශවයම සතුටු වූ විට එකිනෙකාගේ සිත් තුළින් නික්මෙන පැතුමන් ද සුබදායක වන අතර පිනද වැඩි වෙනවා.
පත්තිනි දේවිය උදෙසා පවත්වන පූජාව.
කලින් පිළියෙළ කරගත් පතති දේවියගේ රුව සහිත පූජාසනය මත සුදු පිරුවටයක් එලා ඒ මත මල් අතුරා, හඳුන් කූරු දල්වා, පොල්තෙල් පහන් හතක්ද දැල්විය යුතුයි. පහන් තිර හතක් යොදා එක පහනක් දැල්වූවද වරදක් නෑ. අඹ ඇතුළු පළතුරු වර්ග හතක්ද පූජාසනය මත තැබිය යුතු අතර සුවඳ හමන නැවුම් පළතුරු මේ සඳහා යොදාගැනීම වැදගත් වෙනවා. තැඹිලි ගෙඩියක්, කැවිලි හතක් හා පඬුරු හතක්ද පූජාසනයේ තැබිය යුතුයි. ස්ථානය කහදිය ඉස පිසිදු කරගත යුතුයි.
අනතුරුව අම්මාවරු හත් දෙනාත් නිවසේ සියලු දෙනාත් එක්ව පත්තිනි මෑණියන් උදෙසා ආරාධනා කවි ගායනා කළ යුතුයි. පූජාව කැපකර අවසන් වූ පසුව කිරිබත්,කිරියා ඇතුළු කැවිලි වර්ග හා පළතුරුද, හකුරු, බුලත්විට ආදියද අම්මාවරුන් ට සමසේ පිළිගැන්විය යුතුයි.
දානය පිළියෙළ කිරීමේදී පිරිසිදු ලෙසත්, නොඉඳුල්වත් පිසගත යුතු අතර දිය නා පිරිසිදුව සිටීමත් වැදගත් වෙනවා. සියල්ලට පළමුව දානයට ඇතුළත්වන සියලු දෙයින් බුදුන් වහන්සේට බුද්ධ පූජාවක් සකස්කොට පූජා කිරීමටද අමතක නොකළ යුතුයි.
පූජා පිළිවෙල.
01 පන්සිල් සමාදන්වීම.
02 තෙරුවන් වැඳීම.
03 රථන සූත්‍රය, කරණීයමෙත්ත සූත්‍රය ආදී පිරිත් ගායනා කිරීම.
04 බුද්ධ පූජාව පැවැත්වීම.
05. දෙවියන්ට ආරාධනා කිරීම.
06 පූජාව කැපකිරීම.
07 කිරිඅම්මාවරුන්ට දන් පිළිගැන්වීම.
08 කිරි අම්මාවරු විසින් පින් දී දැන් පිළිගැනීම.
09 කිරි අම්මාවරු දානය වැළඳීම.
10 දෙවියන්ට පින් දීම හා ශාන්තිය උදා කරන ලෙස කන්නලව් කිරීම.
11 ආතුරයින්ට සෙත් පැතීම.
12 පහන් තිර නිවීම.
13 කිරි අම්මාවරු පිටත්ව යාම.
පහන්තිර නිවීම.
දන් වළඳා, ශාන්ති කවි ගයනා කර, දෙවියන්ට පින් දී, ආතුරයින්ට සෙත් පැතීම සඳහා පහන්තිර හතක් දල්වා හිස වටා කරකවා කිරි පැන් බඳුනකට දමා නිවා දැමිය යුතුයි.දෙවියන්ට දැල්වූ පහනෙන් තෙල් ගෙන ආතුරයින්ගේ හිස ගලවා සෙත් පැතිය යුතුයි.පසුව තම තමන්ට වෙන් කර දුන් දාන කොටස ගෙන නිවසේ කිසිවෙකුත් සමග කතා නොකොට පිටව යා යුතුයි.කිරි දාන සඳහා සහභාගී වී ඇති මව්වරුන්ට මේ පිළිබඳව මනා අවබෝධයක් තිබෙනවා.
බාලිකාවන්ට දෙනු ලබන දානය.
තම දරුවන්ට සෙතක් ශාන්තියක් අත්කර දීම සඳහා ඇතැම් දෙනා බාලිකාවන් උදෙසා ද දානයක් දෙනු ලබනවා. තම දරුවාට පවතින අපල පීඩා, දෝෂ, ලෙඩ දුක් දුරු කර ගැනීම සඳහා සම වයසේ දැරියන් කැඳවා කෑම බීම දී සතුටු කිරීම මෙහෙදී සිදුවෙනවා. ඇඳුම් පැළඳුම්, සෙල්ලම් බඩු ආදියද ඇතැම් දෙනා මේ සඳහා යොදා ගන්නවා. මෙසේ කෑම බීමාදිය දී ඔවුන්ගේ සිත් සතුටු කරවා එම පින් දෙවියන්ට අනුමෝදන් කර තම දරුවාට දේවාශිර්වාදය ලබාදීම මෙහිදී සිදුවෙනවා.මෙම දානය දෙනු ලබන්නේ වැඩිවිය නොපැමිණි දැරියන්ටයි.
කිරි අප්පලාට දෙනු ලබන දානය.
ඇතැම් පළාත් වල පිරිමි දරුවන් නිවසට කැඳවා දානයක් දෙනු ලබනවා. කුඩා පිරිමි ළමුන් හත් දෙනෙක් හෝ දොළොස් දෙනෙක් තම නිවසට කැඳවා ඉහත සඳහන් කළ පරිද්දෙන්ම කෑම බීමාදිය දී ඔවුන්ගේ සිත් සතුටු කරවීම මෙහිදී සිදුවෙනවා. කුඩා දරුවන් තුළ ඉරිසියාව, වෛරය, ද්වේශය ආදී දුර්ගුණයන් නොමැති බැවින් මෙම කටයුතු අනුගමනය කිරීමට ඇතැම් දෙනා වැඩි කැමැත්තක් දක්වනවා. කිරි අම්මාවරුන්ගේ දනයේදීත්, බාලිකාවන්ට පිරිනමන දනයේදීත්, කිරි අප්පලාට දෙනු ලබන දනයේදීත් එම පින් පත්තිනි මෑණියන්ට අනුමෝදන් කර ඇයගේ පිහිට ආශීර්වාදය ලබාගැනීම සුවිශේෂ වෙනවා.
පත්තිනි මෑණියන්ගේ පිහිට පැතීමේදී සාමකාමී කටයුතු සඳහා පමණක් පිහිට අපේෂා කළයුතු බව මතක තබා ගත යුතුයි. සතුරන්ට දඬුවම් කිරීම, කොඩිවින කිරීම, පලි ගැසීම ආදී කටයතු සඳහා පත්තිනි මෑණියන්ගේ සහය ලැබෙන්නේ නෑ. මතු බුදුබව පතන ශාන්ත දෙවඟනක් බවට සැළකෙන පත්තිනි මෑණියන් කිසිදු නපුරු කටයුත්තකදී පිහිට නොවන බව අවබෝධකර ගත යුතුයි.
පත්තිනි මෑණියන්ට කන්නලව් කිරීම.
සිද්ධ පස්වාන් දහසකට තෙද වරම් දස දිගත විහිදුවා හැරිය කිර්තියකින් පතළව අපරිමිත දයානුකම්පාවෙන් මෙනරළොව සත්වයින්ගේ ඉල්ලීම් ඉෂ්ටකර දෙන්නාවූ සිද්ධ මධුරමාලා පත්තිනි දෙවඟනුන් වහන්ස, මෙළොව සත්වාරයක් පහළවූ හෙයින් සත් පත්තිනි යන නාමයෙන්ද, දොළොස් වාරයක් පහළවූ හෙයින් දොළොස් පත්තිනි යන නාමයෙන්ද ප්‍රසිද්ධව වැඩ වාසස්ථානය කරන්නාවූ, එර්දිමත් දිව්‍යඥාන වික්‍රමයෙන් සුරලොවින් අසුර ළොවට වරම් ගෙන අසුර ළොවින් නාග ළොවට වරම් ගෙන නාග මාණික්‍යයක් දරාගෙන, පුන් කළසක් ශ්‍රී හස්තයේ තබාගෙන, නවගමුවේ මාළිගාවට අධිපති ඔබ වහන්සේගේ බල වික්‍රම බලනුවස් දෙදෙව් ළොවට අධිපති ශක්‍ර දිව්‍යරාජයාණන් වහන්සේ එවූ කොස් කණුවේ දළු ඇද දමා දෙදුමා පලගන්ඩ සැලැස්වූ සත්යානුභාවයෙන් මේ සැලකර සිටින කන්නලව්ව දිව සවනට ගෙන අසා වදාරා සියලු අභිමතාර්ථයන් ඉෂ්ට සිද්ධ කරදී වදාරණ සේක්වා.
තවද ඔබ දිව්‍යාංගනාවුන් වහන්සේගේ රුවන් සළඹ සත් නමක් මැදගොඩ ඇල්ලට ඇලි කිඹුල් වාහනේ පිට වැඩම කරවා මැදගොඩ ඇල්ලේ කෙළිපුද ගන්ට වරන් දුන් සත්යානුභාවයෙන්ද ඔබ දිව්‍යාංගනාවුන් වහන්සේ අඳුන්ගිරි පර්වතය පිට තපස් කරනු දුටු ශක්‍රදේවේන්ද්‍රයන් පත්තිනියගේ තෙද බලමියි සිතා මහළු වේශයකින් පැමිණ නගන්ඩියනි මට දානයක් දෙවයි සැලකළ තැනේදී කුමන දානයක් දැයි අසා වදාරා අඳුන්ගිර පයින් මඩකර දියෙන් ගිනි ගෙන බොජුන් තනා දෙවයි කී තැනේදී සිනා පහළ කර සත්‍යක්‍රියාවෙන් සිත එකඟකර අඳුන්ගිර පයින් මඩකර සුවඳහැල් ඉස පස්සවා සත් පැයක් ඇතුළත එදන් පිස දුන් තෙද බලෙන් ඔබ දිව්‍යාංගනාවුන් වහන්සේට සැලකර සිටින මොවුන්ගේ සියලු අධිෂ්ඨානයන් ඉෂ්ටකර දී වදාරණ සේක්වා.
තවද මොවුන්ට වැදී වැළඳී එන්නාවූ දෙවි දෝෂාන්දකාරද, යක්ෂ භූත ප්‍රේත පිශාචාදීන්ගෙන් වැද පැමිණියාවූ දෝෂාන්දකාරද, වාතය පිතය ශ්ලේෂ්මාවය යන තුන් දොසින් වැද පැමිණියාවූ දෝෂාන්දකාරද මෙකී නොකී සකල දෝෂාන්දකාරයම ගසා දුරුවන්කර දී සුභ සෙත් ශාන්තියක් සලසා දී වැඩ වදාරණ සේක්වා. එසේම මොවුන්ට උඩින් පායන අව්වත්, වටින් හමනා සුළඟත් හැර අමුතු වදුරු වසංගත උහන්දිරමක් වැද්ද සිද්ධකර නොදී ආරක්ෂාකර දෙනවයි පිනට පිහිට වෙනවයි පින් ගන්නවයි..සිය වැරදි කෝටියක් වැරදි සමාකර දෙනවයි, සිද්ධ පස්වාන් දහසකට ආවඩා..ආයුබෝ වේවා. ආයුබෝ වේවා.
" නමැති කුමරෙකුගේ බිරිඳ ලෙස ජීවත්වී තිබෙනවා. ඔහු වෙළඳාම පිණිස නොයෙක් ගම් දනව්හි සැරිසරන විට වෙසඟනක් හා මිතුරු වී සූදුවට හා දුරාචාරයට පුරුදු වී තිබෙනවා.ඔහු එයින් සියලු ධනය විනාශ කරගත් විට කන්නගී කුමරිය තම පා සළඹක් ඔහුට දී තිබෙනවා. ඒ එය විකුණා මුදල් ලබාගැනීමටයි. මෙම අවස්ථාව වනවිට පළාතේ රජ බිසවගේ පා සළඹක්ද නැතිවී ඇති අතර එය සෙවීම සඳහා රාජ පුරුෂයින් යොදවා තිබෙනවා. පා සළඹ අතැතිව යන පාලඟ රාජ පුරුෂයින්ට හසුව ඇති අතර එය රජ බිසවගේ පා සලඹ යැයි සිතූ රාජ පුරුෂයින් පළඟ අල්ලාගෙන රජු වෙත පමුණුවා මරණ දණ්ඩනයට ලක් කොට තිබෙනවා.තම සැමියා සොයාගෙන ගිය කන්නගී තම මැරුණු සැමියා සොයාගෙන, සත්‍යක්‍රියා කොට ඔහුට යළි පණ ලබාදී, රජ බිසවගේ නැතිවුණු පා සළඹද සොයාදී සැමියාගේ නිර්දෝෂිභාවය රජුට පෙන්වා දුන් බව කියැවෙනවා. මෙහිදී කන්නගී පා සළඹ හා තම පියයුරක්ද ගළවා පොළවේ ගැසූ බවත් ඒ හේතුවෙන් මුළු පඬි පුරයම ගිනිගෙන විනාශ වූ බවත් සඳහන් වෙනවා. ළමයින්ට, පූජක උතුමන්ට හා වෙහෙර විහාර වලට කිසිදු හානියක් සිදු වී නෑ. ඇයගේ පතිවෘතා බලයෙන් හා ප්‍රාර්ථනා බලයේ මහිමයෙන් අමා විලක් මවා එයින් ගිනි නිවා දමා දෙව් ලොවට ගොස් යළි මනු ලොවට පැමිණ පත්තිනි දෙවඟන ලෙස පුද පූජා ලබමින් ජනයාට පිහිට වූ බව කියැවෙනවා. දේව සාහිත්‍යයේ තවත් කතා පුවතකට අනුව පත්තිනි දෙවඟන ඉතා විශ්මිත ලෙස සත් වාරයක් උපන් හෙයින් සත් පත්තිනි ලෙසත්, දොළොස් වාරයක් උපන් හෙයින් දොළොස් පත්තිනි ලෙසත් හැඳින්වෙනවා. දෙමට මලෙන්, ගින්නෙන්, නයි කඳුලෙන්, විදුලියෙන්, පිනි බිඳුවෙන්, සිනා රැළෙන්, අඹෙන්, සළුවෙන්, නුග කොලයෙන්, කදුරු පොත්තෙන්, ජලයෙන්, දළයෙන් උපන් බව ජනප්‍රවාදයේ සඳහන් වෙනවා.දකුණු ඉන්දියාවේ සුපතළ සීලප්පදිකාරම්, මණිමේඛලය යන කාව්‍යයන්හි පත්තිනි උපත පිළිබඳව විස්තර සඳහන් වෙනවා.පන්තිස් කෝල්මුර පත්තිනි පැතුම නම් ග්‍රන්ථයේ ද පත්තිනි උපත පිළිබඳව කරුණු සඳහන් වෙනවා. කකුසඳ බුදුන් සමයේ කරන ලද දානමය පින්කමක් හේතුවෙන් කසීරට මධුරා පුරවරයේ ඉපිද එහි අග රජ වූ සිටුවරයෙකුගේ උයනේ පිහිටි අඹ ගසක ගෙඩියකින් පත්තිනි දේවිය උපන් බව ඉතා සවිස්තරාත්මකවත් මනරම් ලෙසත් පන්තිස් කෝල්මුර පත්තිනි පැතුම ග්‍රන්ථයේ විස්තර වෙනවා.
පත්තිනි දේවියගේ රන් සළඹ ලංකාවට ගෙන ආ පුවතද මෙහිදී වැදගත් වෙනවා.වංකනාසික තිස්ස රජ දවස දකුණු ඉන්දියාවේ සොළීන් ලංකාව ආක්‍රමණය කර රජු පරාජයට පත් කර, ලක්වැසියන් දොළොස් දහසක් සිරකරුවන් ලෙසත්, බුදුරජාණන් වහන්සේගේ පාත්‍රා ධාතුවත් රැගෙන ගොස් තිබෙනවා. රජුගේ පුත් ගජබා කුමරු නීලමහා යෝධයා සමග සොළී දේශයට ගොස් එහි රජු පරදවා මෙරටින් ගෙනගිය සිරකරුවන්ද, එරටින් තවත් දොළොස් දහසක් දෙනෙක්ද, පාත්‍රා ධාතුවද, පත්තිනි සළඹද රැගෙන ලක්දිවට පැමිණි බව ඉතිහාසයේ සඳහන් වෙනවා. රජු විසින් නවගමුවේ දේවාලයක් තනා, සඳුන් ලීයෙන් පත්තිනි දේවියගේ පිළිමයක්ද තනා පුද පූජා පවත්වා තිබෙනවා.අද නවගමුවේ තිබෙන පත්තිනි දේවාලය එම දේවාලය බවට විශ්වාස කෙරෙනවා.
ප්‍රධාන පත්තිනි දේවාලය නවගමුවේ ඉදිවී තිබෙන අතර, කඩුවෙල, බොල්තුඩේ, උඩවෙල, පලුගොල්ල, මගුරුගොඩ, බොල්ලෑගල, ඇල්ලගාව ආදී ප්‍රදේශ වලද පත්තිනි දේවාල ඉදිවී තිබෙනවා.
පත්තිනි දේවිය පිහිටවන්නේ කාහටද?
පතිවෘර්ථා බලයෙන් දේවත්වයට පත් ශාන්ත දෙවඟනක් වූ පත්තිනි දෙවඟන නොයෙක් අවස්ථාවන්හිදී ජනතාවට පිහිට වෙනවා.විශේෂයෙන් කාන්තාවන්ටත් ,දරුවන්ටත් ඇයගේ පිහිට ලැබෙන බවට විශ්වාසයක් පවතිනවා. දරුපල සම්බන්ධ ගැටලුවලින් පිඩාවට පත්වූ කාන්තාවන්ටත්, පවුල් ජිවිතයේ නොයෙක් ගැටලුවලින් දුක් විඳින කාන්තාවන්ටත්, නොයෙක් ලෙඩ රෝගවලින් පෙලෙන කාන්තාවන්ටත්, කුඩා දරුවන්ටත් ඇයගේ පිහිට නොමඳව සැලසෙනවා. අනියම් සම්බන්ධතා පවත්වන, දුෂ්චරිතවත්, ආගම භක්තිය නොමැති කාන්තාවන්ට ඇයගේ පිහිට නොලැබෙන බවටද විශ්වාසයක් පවතිනවා.
නොයෙක් දෙනාට වැළඳෙන පැපොල, සරම්ප, කම්මුල්ගාය ආදී අසනීප අවස්ථා වලදී පත්තිනි දේවියගේ පිහිට ලබාගැනීමට බොහෝ දෙනා අමතක කරන්නේ නෑ. කුඩා දරුවන් ගේ රෝග පීඩා වලදීද පත්තිනි දේවියට පඬුරක් ගැටගසා පිහිට ඉල්ලාසිටීමට බොහෝ දෙනා පුරුදුවී සිටිනවා. දරුවන් ලැබෙන්නට සිටින මව්වරුන්ද තම දරු ගැබේ ආරක්ෂාව පතා පත්තිනි මෑණියන්ට භාර වෙනවා. මෙවැනි අවස්ථාවලදී සිදුකරන්නේ දරුවා ලැබුණු පසු කිරිඅම්මාවරු හත් දෙනෙකුට හෝ ඊට වැඩි පිරිසකට දානයක් දීමට පොරොන්දු වීමයි. දරුවා ලැබී තුන් මසක් ගතවීමෙන් අනතුරුව භාරය ඔප්පු කිරීම නිවැරදි පිළිවෙතයි. රෝග පීඩා අවස්ථාවලදීද අසනීප සුව වූ විගස කිරිඅම්මාවරුන්ට දානයක් පිරිනමන බවට වන පොරොන්දුව පඬුරක් ගැටගැසීම මගින් සංකේතවත් කරනවා.
කිරි අම්මාවරු
විල්ලෝඩි දේශයෙන් පැමිණි යක්ෂයින් හත් දෙනෙකුගේ බිසෝවරු වළවේ ගංගාවේ රන්මුතු ඇල්ලේ දිය නාමින් සිටින අවස්ථාවේදී, එතනට පැමිණි පහත කුලයක නීච පුද්ගලයෙක් එක් බිසවකගේ අතකින් ඇල්ලූ බවත්, එහිදී ඇතිවූ පිළිකුල හේතුවෙන් ඔවුන් දියට පැන මියගිය බවත්, පසුව දේවත්වයට පත්වූ බවත් ජනප්‍රවාදයේ සඳහන් වෙනවා. අතීතයේ පටන්ම තම දරුවන් ආරක්ෂාකර ගැනීමටත්, නොයෙක් අපල පීඩා කරදර ආදියෙන් මිදීමටත් කිරි අම්මාවරු හත් දෙනාගෙන් පිහිට අපේක්ෂා කිරීමට ජනතාව පුරුදුවී සිටියා. වසරක් පාසාම පත්තිනි මෑණියන්ටත්, අම්මාවරු හත් දෙනාටත් පුද පූජා පවත්වන සිංහල බෞද්ධයින් බහුලව සිටිනවා.
කිරි අම්මාවරු තෝරා ගැනීමේදී දරුවන්ට කිරි දෙන මව්වරු තෝරා ගැනීම නිවැරදි පිළිවෙතයි. එහෙත් වයස්ගත මව්වරුද මේ සඳහා බොහෝ විට යොදා ගැනෙනවා.කෙසේවෙතත් දැහැමි, සිල්වත් මව්වරුන් මේ සඳහා සහභාගී කරවා ගැනීමෙන් පිහිට ආශීර්වාදය නිවැරදිව ලබාගැනීමට හැකිවෙනවා.අනුන් කෙරෙහි වෛරය, ඉරිසියාව නොදක්වන ගුණගරුක, කරුණාවන්ත අයෙකුගේ හදවතින් නික්මෙන පැතුම සුබදායක වන අතර ඊට හාත්පසින්ම වෙනස් වූ ගතිගුණ වලින් යුතු අය වෙතින් නික්මෙන පැතුමකින් කිසිදු යහපතක් අත්වෙන්නේ නෑ. ගත සිත එකසේ පිරිසිදු කරගෙන සුදෝ සුදු වතින් සැරසී, හිරු නැගීමට පළමුව, දෙවියන් වෙනුවෙන් බැතියෙන් පේවී කිරි දානය පිළිගැනීම සඳහා කිරි අම්මාවරු පැමිණෙනවා.නිවසට ගොඩවැදීමට පළමුව දෙපා සෝදා, මුහුණද කහ දියෙන් සෝදාගත යුතුයි. නිවස තුළට පැමිණ, පිරුවට එලා සකස් කළ කලාලයක් මත හෝ එවැනි පිරිසිදු තැනෙක අසුන්ගත යුතුයි. මෙතැන් පටන් පුද පූජා සිදුකිරීම ආරම්භ වනවා.කිරි දාන සඳහා සහභාගී වී ඇති පළපුරුදු අම්මාවරු සෑම ගමකම පාහේ සිටිනවා.
දානයට උවමනා කරන්නේ මොනවාද?
පත්තිනි මෑණියන්ගේ පිළිමයක් හෝ රාමු කළ රුවක් උස් අසුනක තැන්පත් කළ යුතුයි. කිරි අම්මාවරුන්ගේ දානය සඳහා කිරිබත්, කිරියා, ඇඹුල් කෙසෙල්, කැවුම් වර්ග කීපයක් යොදා ගැනෙනවා.නමුත් තම තමන්ගේ ආර්ථිකයට සරිලන සරිලන පරිදි මෙම දානය සකස්කර ගත හැකියි.පිරිකර වශයෙන් රෙදි, තුවා, පාවහන්,කුඩ,සබන්, පනා ආදී දේවල් පිළිගැන්විය හැකියි.කැවුම්, කිබත්, හකුරු, පළතුරු, ඇඳුම්, බුලත්විට, පඬුරු, එළකිරි, තැඹිලි ආදී සියලු දෙයින් පරිපූර්ණව මෙම දානමය කටයුත්ත සිදුකළ හැකිනම් එය ඉතාමත් වැදගත් වෙනවා.දෙන්නාත් ලබන්නාත් යන දෙපාර්ශවයම සතුටු වූ විට එකිනෙකාගේ සිත් තුළින් නික්මෙන පැතුමන් ද සුබදායක වන අතර පිනද වැඩි වෙනවා.
පත්තිනි දේවිය උදෙසා පවත්වන පූජාව.
කලින් පිළියෙළ කරගත් පතති දේවියගේ රුව සහිත පූජාසනය මත සුදු පිරුවටයක් එලා ඒ මත මල් අතුරා, හඳුන් කූරු දල්වා, පොල්තෙල් පහන් හතක්ද දැල්විය යුතුයි. පහන් තිර හතක් යොදා එක පහනක් දැල්වූවද වරදක් නෑ. අඹ ඇතුළු පළතුරු වර්ග හතක්ද පූජාසනය මත තැබිය යුතු අතර සුවඳ හමන නැවුම් පළතුරු මේ සඳහා යොදාගැනීම වැදගත් වෙනවා. තැඹිලි ගෙඩියක්, කැවිලි හතක් හා පඬුරු හතක්ද පූජාසනයේ තැබිය යුතුයි. ස්ථානය කහදිය ඉස පිසිදු කරගත යුතුයි.
අනතුරුව අම්මාවරු හත් දෙනාත් නිවසේ සියලු දෙනාත් එක්ව පත්තිනි මෑණියන් උදෙසා ආරාධනා කවි ගායනා කළ යුතුයි. පූජාව කැපකර අවසන් වූ පසුව කිරිබත්,කිරියා ඇතුළු කැවිලි වර්ග හා පළතුරුද, හකුරු, බුලත්විට ආදියද අම්මාවරුන් ට සමසේ පිළිගැන්විය යුතුයි.දානය පිළියෙළ කිරීමේදී පිරිසිදු ලෙසත්, නොඉඳුල්වත් පිසගත යුතු අතර දිය නා පිරිසිදුව සිටීමත් වැදගත් වෙනවා. සියල්ලට පළමුව දානයට ඇතුළත්වන සියලු දෙයින් බුදුන් වහන්සේට බුද්ධ පූජාවක් සකස්කොට පූජා කිරීමටද අමතක නොකළ යුතුයි.
පූජා පිළිවෙල.
01 පන්සිල් සමාදන්වීම.
02 තෙරුවන් වැඳීම.
03 රථන සූත්‍රය, කරණීයමෙත්ත සූත්‍රය ආදී පිරිත් ගායනා කිරීම.
04 බුද්ධ පූජාව පැවැත්වීම.
05. දෙවියන්ට ආරාධනා කිරීම.
06 පූජාව කැපකිරීම.
07 කිරිඅම්මාවරුන්ට දන් පිළිගැන්වීම.
08 කිරි අම්මාවරු විසින් පින් දී දැන් පිළිගැනීම.
09 කිරි අම්මාවරු දානය වැළඳීම.
10 දෙවියන්ට පින් දීම හා ශාන්තිය උදා කරන ලෙස කන්නලව් කිරීම.
11 ආතුරයින්ට සෙත් පැතීම.
12 පහන් තිර නිවීම.
13 කිරි අම්මාවරු පිටත්ව යාම.
පහන්තිර නිවීම.දන් වළඳා, ශාන්ති කවි ගයනා කර, දෙවියන්ට පින් දී, ආතුරයින්ට සෙත් පැතීම සඳහා පහන්තිර හතක් දල්වා හිස වටා කරකවා කිරි පැන් බඳුනකට දමා නිවා දැමිය යුතුයි.දෙවියන්ට දැල්වූ පහනෙන් තෙල් ගෙන ආතුරයින්ගේ හිස ගලවා සෙත් පැතිය යුතුයි.පසුව තම තමන්ට වෙන් කර දුන් දාන කොටස ගෙන නිවසේ කිසිවෙකුත් සමග කතා නොකොට පිටව යා යුතුයි.කිරි දාන සඳහා සහභාගී වී ඇති මව්වරුන්ට මේ පිළිබඳව මනා අවබෝධයක් තිබෙනවා.
බාලිකාවන්ට දෙනු ලබන දානය.
තම දරුවන්ට සෙතක් ශාන්තියක් අත්කර දීම සඳහා ඇතැම් දෙනා බාලිකාවන් උදෙසා ද දානයක් දෙනු ලබනවා. තම දරුවාට පවතින අපල පීඩා, දෝෂ, ලෙඩ දුක් දුරු කර ගැනීම සඳහා සම වයසේ දැරියන් කැඳවා කෑම බීම දී සතුටු කිරීම මෙහෙදී සිදුවෙනවා. ඇඳුම් පැළඳුම්, සෙල්ලම් බඩු ආදියද ඇතැම් දෙනා මේ සඳහා යොදා ගන්නවා. මෙසේ කෑම බීමාදිය දී ඔවුන්ගේ සිත් සතුටු කරවා එම පින් දෙවියන්ට අනුමෝදන් කර තම දරුවාට දේවාශිර්වාදය ලබාදීම මෙහිදී සිදුවෙනවා.මෙම දානය දෙනු ලබන්නේ වැඩිවිය නොපැමිණි දැරියන්ටයි.
කිරි අප්පලාට දෙනු ලබන දානය.
ඇතැම් පළාත් වල පිරිමි දරුවන් නිවසට කැඳවා දානයක් දෙනු ලබනවා. කුඩා පිරිමි ළමුන් හත් දෙනෙක් හෝ දොළොස් දෙනෙක් තම නිවසට කැඳවා ඉහත සඳහන් කළ පරිද්දෙන්ම කෑම බීමාදිය දී ඔවුන්ගේ සිත් සතුටු කරවීම මෙහිදී සිදුවෙනවා. කුඩා දරුවන් තුළ ඉරිසියාව, වෛරය, ද්වේශය ආදී දුර්ගුණයන් නොමැති බැවින් මෙම කටයුතු අනුගමනය කිරීමට ඇතැම් දෙනා වැඩි කැමැත්තක් දක්වනවා. කිරි අම්මාවරුන්ගේ දනයේදීත්, බාලිකාවන්ට පිරිනමන දනයේදීත්, කිරි අප්පලාට දෙනු ලබන දනයේදීත් එම පින් පත්තිනි මෑණියන්ට අනුමෝදන් කර ඇයගේ පිහිට ආශීර්වාදය ලබාගැනීම සුවිශේෂ වෙනවා.
පත්තිනි මෑණියන්ගේ පිහිට පැතීමේදී සාමකාමී කටයුතු සඳහා පමණක් පිහිට අපේෂා කළයුතු බව මතක තබා ගත යුතුයි. සතුරන්ට දඬුවම් කිරීම, කොඩිවින කිරීම, පලි ගැසීම ආදී කටයතු සඳහා පත්තිනි මෑණියන්ගේ සහය ලැබෙන්නේ නෑ. මතු බුදුබව පතන ශාන්ත දෙවඟනක් බවට සැළකෙන පත්තිනි මෑණියන් කිසිදු නපුරු කටයුත්තකදී පිහිට නොවන බව අවබෝධකර ගත යුතුයි.
පත්තිනි මෑණියන්ට කන්නලව් කිරීම.
සිද්ධ පස්වාන් දහසකට තෙද වරම් දස දිගත විහිදුවා හැරිය කිර්තියකින් පතළව අපරිමිත දයානුකම්පාවෙන් මෙනරළොව සත්වයින්ගේ ඉල්ලීම් ඉෂ්ටකර දෙන්නාවූ සිද්ධ මධුරමාලා පත්තිනි දෙවඟනුන් වහන්ස, මෙළොව සත්වාරයක් පහළවූ හෙයින් සත් පත්තිනි යන නාමයෙන්ද, දොළොස් වාරයක් පහළවූ හෙයින් දොළොස් පත්තිනි යන නාමයෙන්ද ප්‍රසිද්ධව වැඩ වාසස්ථානය කරන්නාවූ, එර්දිමත් දිව්‍යඥාන වික්‍රමයෙන් සුරලොවින් අසුර ළොවට වරම් ගෙන අසුර ළොවින් නාග ළොවට වරම් ගෙන නාග මාණික්‍යයක් දරාගෙන, පුන් කළසක් ශ්‍රී හස්තයේ තබාගෙන, නවගමුවේ මාළිගාවට අධිපති ඔබ වහන්සේගේ බල වික්‍රම බලනුවස් දෙදෙව් ළොවට අධිපති ශක්‍ර දිව්‍යරාජයාණන් වහන්සේ එවූ කොස් කණුවේ දළු ඇද දමා දෙදුමා පලගන්ඩ සැලැස්වූ සත්යානුභාවයෙන් මේ සැලකර සිටින කන්නලව්ව දිව සවනට ගෙන අසා වදාරා සියලු අභිමතාර්ථයන් ඉෂ්ට සිද්ධ කරදී වදාරණ සේක්වා.
තවද ඔබ දිව්‍යාංගනාවුන් වහන්සේගේ රුවන් සළඹ සත් නමක් මැදගොඩ ඇල්ලට ඇලි කිඹුල් වාහනේ පිට වැඩම කරවා මැදගොඩ ඇල්ලේ කෙළිපුද ගන්ට වරන් දුන් සත්යානුභාවයෙන්ද ඔබ දිව්‍යාංගනාවුන් වහන්සේ අඳුන්ගිරි පර්වතය පිට තපස් කරනු දුටු ශක්‍රදේවේන්ද්‍රයන් පත්තිනියගේ තෙද බලමියි සිතා මහළු වේශයකින් පැමිණ නගන්ඩියනි මට දානයක් දෙවයි සැලකළ තැනේදී කුමන දානයක් දැයි අසා වදාරා අඳුන්ගිර පයින් මඩකර දියෙන් ගිනි ගෙන බොජුන් තනා දෙවයි කී තැනේදී සිනා පහළ කර සත්‍යක්‍රියාවෙන් සිත එකඟකර අඳුන්ගිර පයින් මඩකර සුවඳහැල් ඉස පස්සවා සත් පැයක් ඇතුළත එදන් පිස දුන් තෙද බලෙන් ඔබ දිව්‍යාංගනාවුන් වහන්සේට සැලකර සිටින මොවුන්ගේ සියලු අධිෂ්ඨානයන් ඉෂ්ටකර දී වදාරණ සේක්වා.
තවද මොවුන්ට වැදී වැළඳී එන්නාවූ දෙවි දෝෂාන්දකාරද, යක්ෂ භූත ප්‍රේත පිශාචාදීන්ගෙන් වැද පැමිණියාවූ දෝෂාන්දකාරද, වාතය පිතය ශ්ලේෂ්මාවය යන තුන් දොසින් වැද පැමිණියාවූ දෝෂාන්දකාරද මෙකී නොකී සකල දෝෂාන්දකාරයම ගසා දුරුවන්කර දී සුභ සෙත් ශාන්තියක් සලසා දී වැඩ වදාරණ සේක්වා. එසේම මොවුන්ට උඩින් පායන අව්වත්, වටින් හමනා සුළඟත් හැර අමුතු වදුරු වසංගත උහන්දිරමක් වැද්ද සිද්ධකර නොදී ආරක්ෂාකර දෙනවයි පිනට පිහිට වෙනවයි පින් ගන්නවයි..සිය වැරදි කෝටියක් වැරදි සමාකර දෙනවයි, සිද්ධ පස්වාන් දහසකට ආවඩා..ආයුබෝ වේවා. ආයුබෝ වේවා.
